Asambleja e “Lega Serie A” votoi pro mbajtjes së kampionatit me 20 skuadra. Vetëm katër klube, Interi, Juventusi, Milani dhe Roma shprehën mendimin e tyre në favor të formatit të ri me 18 skuadra. 16 votat e tjera ishin dakord që Serie A të mbetet me 20 ekipe. Në një shënim, “Lega Serie A” njoftoi:

“Asambleja u mblodh në selinë e saj dhe shqyrtoi dokumentin me propozime për reformën e futbollit italian. Gjatë të njëjtit takim u konfirmua domosdoshmëria absolute për të ruajtur të drejtën e marrëveshjes në statutin federal, si dhe në sistemet kryesore të futbollit evropian”.

Interi, Juventusi dhe Milani ditët e fundit i janë drejtuar drejtpërdrejt presidentit të FIGC, Gabriele Gravina për të nxitur reduktimin e skuadrave të Serie A në 18. “Inter, Milan dhe Juventus nuk e respektuan Ligën, u ankuan në FIGC. Ata duan një Superligë Italiane me 3 ekipe, – ishte komenti i ashpër nga presidenti i Torinos, Urbano Cairo. – Dorëheqja e Marotta? Absolutisht jo. Përçarje me skuadrat e mëdha? Jo, por koha e këtij samiti 3-kahësh ishte krejtësisht e gabuar, qëndrimi i tyre ishte i gabuar”.”Janë shenjtëruar parimet themelore, ruajtja e së drejtës së marrëveshjes dhe gjithçka që rrjedh prej saj. Ishte kapitulli kryesor. Ne jemi të gjithë shumë të përzemërt dhe demokratikë, por e rëndësishme është që të ruhen parimet e qeverisjes. Vendimi është demokratik dhe merret me konsensus, në interes të komunitetit. Para së gjithash duhet të mbrohet bota e futbollit”. Këtë e tha presidenti i Genoa, Alberto Zangrillo.