Kreshnik Alimadhi, shefi i komisariatit të Fushë-Krujës, ka treguar disa detaje nga atentati kundrejt Gentjan Bejtes.

Alimadhi u shpreh: “Në vendngjarje rezultoi se është vrarë me armë zjarri në banesën e tij shtetasi Gentjan Bejtja. Është formuar grupi hetimor që po merret me hetimet. Pas ngjarjes, në fshatin Hasan u gjend edhe automjeti i djegur që dyshohet të jetë i autorëve.

Brenda automjetit janë gjetur 4 armë zjarri. Grupi hetimor po kryen të gjitha veprimet, nuk mund të jap detaje të tjera të hollësishme”.